Video
Read full review
2009-05-30
幾忙的飯局月，廿四小時真的唔多夠用，手頭上一疊二疊要去傾的繁事，絕對需要搵處靜靜地撞唔到熟人地方諗下點安排。陰雨天的尖東海皮，鬼少人就更少，望望附近幾間Bar&Restaurant，這裡最多客人亦有興趣睇下什麼是Rich Seafood Soup。想親近自然風多一點，坐到樓下四人卡位，午市套餐百零蚊左右，同Soho區價位差不多，論環境的話，自己是比較喜歡開揚一點半露天餐廳。套餐主菜三選一，比較起Penne同Yeung CHow Fried Rice，雞肉漢堡是最正路之選。餐包同海鮮湯一齊上，湯看樣子唔多覺「Rich」，是魚頭魚骨煲出的薄薄Stock，帶點罐頭茄的酸，蝦同三文魚粒對食味無幫助，純粹聊勝於無，百元套餐的鬼佬例湯係咁上下。主角幾大堆頭的，雞肉漢堡連埋大量粗身薯條仲有小碟酸菜。酸菜酸酸辣辣，幾開胃的，薯條亦是即炸的，熱辣辣香脆唔油亦下了鹽，再蘸茄汁吃，不錯；雞肉漢堡賣相是輕量級版本，用北極熊刀插住，似乎是定形外，亦方便客人要切來吃，Bun塗過牛油烘過，夠熱夠味，漢堡兩面Grill得焦香，餡雖是機攪的，但肉鬆有肉汁，調得夠味帶雜香草的味兒，味道簡單直接，是幾好吃的。整理完文件，喝
幾忙的飯局月，廿四小時真的唔多夠用，手頭上一疊二疊要去傾的繁事，絕對需要搵處靜靜地撞唔到熟人地方諗下點安排。
陰雨天的尖東海皮，鬼少人就更少，望望附近幾間Bar&Restaurant，這裡最多客人亦有興趣睇下什麼是Rich Seafood Soup。想親近自然風多一點，坐到樓下四人卡位，午市套餐百零蚊左右，同Soho區價位差不多，論環境的話，自己是比較喜歡開揚一點半露天餐廳。
套餐主菜三選一，比較起Penne同Yeung CHow Fried Rice，雞肉漢堡是最正路之選。餐包同海鮮湯一齊上，湯看樣子唔多覺「Rich」，是魚頭魚骨煲出的薄薄Stock，帶點罐頭茄的酸，蝦同三文魚粒對食味無幫助，純粹聊勝於無，百元套餐的鬼佬例湯係咁上下。
主角幾大堆頭的，雞肉漢堡連埋大量粗身薯條仲有小碟酸菜。酸菜酸酸辣辣，幾開胃的，薯條亦是即炸的，熱辣辣香脆唔油亦下了鹽，再蘸茄汁吃，不錯；雞肉漢堡賣相是輕量級版本，用北極熊刀插住，似乎是定形外，亦方便客人要切來吃，Bun塗過牛油烘過，夠熱夠味，漢堡兩面Grill得焦香，餡雖是機攪的，但肉鬆有肉汁，調得夠味帶雜香草的味兒，味道簡單直接，是幾好吃的。
整理完文件，喝埋杯即磨咖啡，埋單百一十元，侍應見自己滴著汗走前送來杯冰水，服務是OK的。
Post
