方叔叔重慶老火鍋 (太子集團中心)

Open Now

Now Closed

一向都有食呢間火鍋，同阿媽黎到。見到正呀，有8週年免加一優惠，仲有啲item 減價，食得比平時豪左但又唔算話好貴，最緊要阿媽坐得舒服唔洗趕住食。阿媽唔肯食辣，焗住叫鴛鴦鍋，麻辣鍋嘅湯係涼水，雖然味道無咩分別，但感覺上中和返熱氣又幾好。今次亦愛上左麻辣以外嘅椰子雞鍋，未放火鍋料前飲淡湯，好清甜。而且之後落每種索汁嘅鍋料都份外香甜。必點野飲，因為超大杯同阿媽share都抵，清清地飲水仙烏龍檸檬茶，阿媽叫左d普通料唐生菜呀、皇帝菜呀、藕片、鮮腐竹、淮山條之類，佢買開餸都話新鮮程度滿意。我就介紹佢食清爽嘅萵筍條，試下滑溜嘅鴨血、武隆苕粉。當然我地唔係齋食菜，珊瑚蚌鮮爽甜，手切鮮牛好濃牛味，仲有嫩d嘅美國特級牛胸腹、午餐肉等等，埋單每人都係三百幾。呢間算係香港火鍋我幾滿意服務嘅分店之一，一定會再幫襯。