浦井韓食居酒屋 (Closed)

尖沙咀琳瑯滿目的餐廳，isquare更集中了數間有質素的餐廳，同朋友想食韓國菜，見到呢間浦井，又新潮又大份既菜式，所以試吓。以烤肉為主打，所以每枱都有烤爐。餐牌好多選擇同款式，大多係一盤上，大大份的。 愛牛肉既我，叫了上牛烤、巨人併同高麗人蔘燉全雞湯。韓國菜當然唔少得前菜，有三款： 有辣味大豆芽，泡菜，同酸蘿蔔，開胃三寶。之後店員上菜，先倒入蛋漿，有兩個食法，一邊泡菜蛋，另一邊係淨蛋，店員還介紹了加$20的兩種濃味芝士粟米粒。之後送上今晚重頭戲，好震撼的「上牛烤$288」，有五款牛肉部位！如2人食剛好, 如4人食叫埋其他野食都好, 有多幾道菜選擇, 超厚的牛方粒, 好厚肉, 不過先燒薄片的牛小排先, 還有肉眼、胸肉、爽口牛舌；最後燒巨大的肉眼扒，燒到外皮脆香, 再起上碟, 切片再燒,牛肉肉質有質感, 好JUICY, 牛肉味香濃。 各款配菜都可以燒埋一起食, 不至好溜, 有車厘茄、翠玉瓜、青瓜、南瓜、紅蘿蔔、冬菇、金菇及生菜等。到食爐邊蛋同芝士，爐邊蛋好滑, 有啲似燉蛋, 可配埋立絲芝士一齊食, 好香濃，到傳統菜, 高麗蔘雞湯$188一煲上，好大隻雞, 跟了粗鹽食, 更帶出雞肉香味,