太二老壇子酸菜魚

Open Now

Now Closed

作為酸菜魚愛好者，基本上都試咗唔同主打酸菜魚嘅餐廳，今日喺又一城見到午餐時段唔使點排隊，就嚟試一試太二酸菜魚嘅質素如何啦🐟！入到去餐廳都好光猛，店員好快又禮貌地介紹咗餐廳嘅配置，我哋兩個人叫咗一份酸菜魚，再加咗薯粉，等餐嘅途中抽籤睇吓今日嘅運勢，再出去拎嘢飲，等待過程絕對唔無聊，值得一讚👍🏻酸菜魚冇得揀酸辣度，食咗第一啖已經知道佢係我心目中絕對有頭名嘅程度，魚冇雪藏味，辣椒味好夠🌶️，有啲香麻嘅感覺，特別係佢嘅酸菜，酸得嚟好惹味，唔會令人口乾，更加將酸菜魚嘅味道提升咗一層，成餐飯一啖接一啖咁食，完全冇停口，最後連個炸魚頭都食埋，難怪佢主打酸菜比魚好食，呢一個標語真係冇呃人😍個人而言非常推薦大家去食，價錢唔貴又食到正宗嘅酸菜魚，一試一定上癮！