Video
Read full review
2016-03-30
411 views
兜左個圈，望望蒸飯點心、燒味、炒粉麵、即食麵粥品，最後都返去林德記，唔熟唔食麻。上次食過牛腩伊超好味，酸味辣椒油好正，今日再黎想試試魚蛋但賣晒囉，唯有下次朝早黎先得。好多食客幫襯，坐得密麻麻，好采剛好有個單丁位啫，唔洗等，lucky。Hangover 整兩羹酸辣辣椒渣醒一醒神先，食飽買餸又開工！淨滷水雞全翼，見好多食客 order 雞翼喎，傳聞係招牌雞翼，我都忍唔住要試試。肉質浸到過晒龍，霉晒又過腍，無牙都食到，一啜雞肉甩晒，口感又鞋又差，而且滷水味單調不清香，味道一般，麻麻地。我要嫩滑彈牙又 juicy 既雞翼，仲要滷水味清爽幽香架呢。食過好既真係返唔到轉頭，但珍苑已經執左笠喇，新珍苑暫時仲未去試。墨魚丸牛腩麵走蔥加腩汁，無魚蛋咪試下墨魚丸先囉，無緊要。嘩！今次牛腩勁多肥膏而且勁羶呢，羶味嗆喉，有少少想反胃添，要咬走先吞到落肚。牛腩又鞋又碎又乾，失手了！還是賣剩蔗喇？可能星期六差不多兩點半已經所餘無幾。不過瘦肉部份味道非常好，香濃味美，係有點偏瘦啫。墨魚丸墨魚味濃厚，質地結實富彈性，趙趙下發現有墨魚肉粒，好野黎喎！食得過，好味。加左腩汁既湯底極濃郁香甜，牢牢掛係彈牙麵條之上，不能停下
淨滷水雞全翼，見好多食客 order 雞翼喎，傳聞係招牌雞翼，我都忍唔住要試試。肉質浸到過晒龍，霉晒又過腍，無牙都食到，一啜雞肉甩晒，口感又鞋又差，而且滷水味單調不清香，味道一般，麻麻地。我要嫩滑彈牙又 juicy 既雞翼，仲要滷水味清爽幽香架呢。食過好既真係返唔到轉頭，但珍苑已經執左笠喇，新珍苑暫時仲未去試。
墨魚丸牛腩麵走蔥加腩汁，無魚蛋咪試下墨魚丸先囉，無緊要。嘩！今次牛腩勁多肥膏而且勁羶呢，羶味嗆喉，有少少想反胃添，要咬走先吞到落肚。牛腩又鞋又碎又乾，失手了！還是賣剩蔗喇？可能星期六差不多兩點半已經所餘無幾。不過瘦肉部份味道非常好，香濃味美，係有點偏瘦啫。墨魚丸墨魚味濃厚，質地結實富彈性，趙趙下發現有墨魚肉粒，好野黎喎！食得過，好味。加左腩汁既湯底極濃郁香甜，牢牢掛係彈牙麵條之上，不能停下啜啜啜，大口地啜晒落肚呢 ﹗連埋啖啖辣椒肉係舌尖上打轉，好食到震！
自家辣椒油，推介！夠香夠辣啖啖辣椒肉，非常惹味，而且夾雜住酸酸地既味道，特別醒胃，另人食到唔停口。諗起海南島辣椒皇，似乎有少少佢既影子呢。
雞翼牛肚麵走蔥，牛肚勁硬，又一點牙力都咬唔入，硬過擦紙膠啊 ﹗味道就正常，滷水香甜又浸得入味。我要軟棉毛肚或爽彈金錢肚呢，唔係硬屈屈牛肚呀 ﹗滷水雞翼依舊肉質霉霉爛爛，過熟鞋烚烚，一啜剩骨唔洗咬，豉油味比滷水味重，濃而不香。幼麵未煮開，黐埋一舊舊 ﹗醉味辣椒油保持水準，每一口幼麵都掛上大量辣椒肉真係生色不少，香香辣辣配上濃郁腩汁湯底，挽回不少分數 ﹗
自家辣椒油
48 views
0 likes
0 comments
淨滷水雞全翼
47 views
0 likes
0 comments
墨魚丸牛腩麵走蔥加腩汁
37 views
0 likes
0 comments
墨魚丸牛腩麵走蔥加腩汁
36 views
0 likes
0 comments
雞翼牛肚麵走蔥
28 views
0 likes
0 comments
雞翼牛肚麵走蔥
29 views
0 likes
0 comments
Post
