Tapa Room (積福大廈) (Closed)

5成熟烤煎US Prime肉眼牛扒配粉紅胡椒忌廉汁伴薄煎薯餅，牛扒口感軟腍，肉質肥瘦適中，牛味濃厚，粉紅胡椒忌廉汁帶有麻感，食落好惹味，薯餅口感薄身，味道咸香。檸檬汁及黑胡椒蟹肉扁意粉，蟹肉碎配以檸檬汁，鮮味更加突出，扁意粉食落有咬口，餐包口感鬆軟。檸汁白酒煮蜆，大蜆食落好新鮮，肉質肥美，食落好鮮甜。巴塞隆拿式烤紅蝦，肉質軟身，食落好入味。西班牙肉桂多士配新鮮雜莓，即叫即炸，表面鋪滿砂糖，口感外香脆內軟熟。炸西班牙油條配朱古力醬，口感實心、酥脆，配以朱古力醬、砂糖食用，味道香甜。Before Sunrise，採用Red Currant、Mixed Berry、Rosemary製作，飲落好清爽。Pink Pineapple Cooler，表面鋪有粉紅胡椒、檸檬，味道酸甜。