七喜粥麵小廚

Open Now

Now Closed

四個人食飯簡簡單單叫咗四樣嘢，最有趣係呢四樣野裏邊，只有一樣野係我哋自己叫嘅。七喜嘅姐姐係人哋落單嘅時候鍾意比意見，已經唔係一件新鮮事，估唔到今次啊霞姐仲要強硬到連我哋反抗都無效添不過霞姐推介，果然係冇錯架。先睇個粥，花膠帶子螺片粥。聽個名都知猛料啦！食一啖果然好足料，好豐富海鮮味，粥底都好綿。蝦醬豬腩肉，蝦醬味好濃，好襯豬腩肉，肉亦都煮得好入味。七喜小炒王，比一般坊間嘅小炒王好食，韭黃好脆，好新鮮。魷魚鬚好多，成碟都係架。而且全部都係生炒嘅，唔係煮定，所以好有彈性。京都骨都冇令我地失望，豬扒煮得好焾，嗰醬亦都調得啱啱好，少少酸，小小甜。霞姐推介，碟碟都好食，果然冇錯。