Video
Read full review
2023-06-05
23 views
Lotus 係一間好chill嘅戶外餐廳~位於林村放馬莆，但係門口可以泊車，非常適合駕駛人士～而且係寵物友善餐廳，啱晒想帶埋狗狗一齊周圍行吓食個飯嘅朋友😋餐廳嘅佈置非常精緻，有好靚嘅泰式亭同埋園林設計，悉心栽種嘅盆栽同埋小橋流水格局令都市人緊張嘅生活節奏得以放鬆落嚟，好好享受呢度嘅環境同埋美食。食物方面，餐廳嘅西式食物非常高質，黑松露大虎蝦同埋鵝肝牛扒好好味！鵝肝煎得好甘香，配上五成熟彈牙嫩滑嘅安格斯牛扒，簡直係高級享受😍雖然呢兩客食物加起嚟已經超過$800，不過工作辛苦，絕對要對自己好啲食餐好嘅～另外餐廳嘅焗田螺夠晒火候，將田螺嘅鮮味迫晒出嚟，配上薯蓉墊底吸收晒所有精華，好食到停唔到口～另外海鮮意粉個蕃茄汁都做得唔錯，唔會話太酸，而海鮮都好新鮮同埋多種類。最後值得一讚嘅係肉眼扒同埋煙三文魚沙律份量都好大份，成餐飯大概二千零蚊四個人食，物有所值～
食物方面，餐廳嘅西式食物非常高質，黑松露大虎蝦同埋鵝肝牛扒好好味！鵝肝煎得好甘香，配上五成熟彈牙嫩滑嘅安格斯牛扒，簡直係高級享受😍雖然呢兩客食物加起嚟已經超過$800，不過工作辛苦，絕對要對自己好啲食餐好嘅～
另外餐廳嘅焗田螺夠晒火候，將田螺嘅鮮味迫晒出嚟，配上薯蓉墊底吸收晒所有精華，好食到停唔到口～另外海鮮意粉個蕃茄汁都做得唔錯，唔會話太酸，而海鮮都好新鮮同埋多種類。最後值得一讚嘅係肉眼扒同埋煙三文魚沙律份量都好大份，成餐飯大概二千零蚊四個人食，物有所值～
Post
