Interval (The LOHAS康城) (Closed)

喺有美食沙漠之稱嘅康城商場有間露天西餐廳，好難唔畀佢吸引到😆露天環境好舒服，望住出面嘅花花草草有種療癒嘅感覺。間唔中有涼風吹過，又唔會太曬，如果可以，真係想喺度坐足一整個下午！（不過惹蚊嘅人可能坐室內會好啲～）火腿芝士牛角包 $58 🌕🌕🌗🌑🌑佢係屬於一早整好，然後擺喺櫥窗嘅類型，唔係即叫即焗🙅🏼‍♀️所以唔好expect佢特別酥脆。芝士火腿夾牛角包係唔會伏嘅組合，佢嘅火腿唔錯，但芝士就有少少過鹹。overall係個合格嘅牛角包。野菌意大利飯 $158 🌕🌕🌕🌑🌑味道唔錯，粒粒飯都掛到汁野菌都好香，好味但最大扣分位喺啲飯太硬，啲飯唔係好熟