Video
Read full review
2023-11-17
73 views
以露營為主題嘅餐廳，所以裝修上至設計風格下至枱枱櫈櫈都係由露營用品組成，務必比因為各種原因唔會去露營嘅人體驗依個樂趣…本來想咁講，但始終係室內，所以都係無咩feel，不過如果以特色餐廳計的確幾有趣(airside頂樓有戶外空間，果邊都有餐廳，如果可以開係上面再坐室外就真係正啦!!)個menu好似雜誌咁好靚! 煙肉卡邦尼冬甩意粉 $68@1, 120@2主要都係比依樣吸引入去，雖然都知其實只係將意粉塞入個冬甩模度，但就係覺得好得意!!落單果陣都有表白要等15分鐘先有，先將卡邦尼意粉變成冬甩形，然後再加蛋同埋芝士去焗無論係外貌定係食落去嘅質感都好特別味道就相對一般，蛋有啲過熟變咗炒蛋但個份量超多，兩人食再加小食甜品會比較好，如果一人一個都幾飽以依個價錢都覺得唔錯 日本蟹籽蟹肉 + 牛角包 $88牛角包好好食! 但個餡一般般，食一次就夠 迷你蝦多士 $68依個幾好食! 都要小小時間等待，多士焗到好脆好香口餡入面仲見到有蝦 仲有實體Menu唔覺眼但可以落到單嘅朱古力布朗尼，可以自己選topping(?)/味，有cheese/cookies and cream/almond(無影低相唔係好肯定全
(airside頂樓有戶外空間，果邊都有餐廳，如果可以開係上面再坐室外就真係正啦!!)
個menu好似雜誌咁好靚!
煙肉卡邦尼冬甩意粉 $68@1, 120@2
主要都係比依樣吸引入去，雖然都知其實只係將意粉塞入個冬甩模度，但就係覺得好得意!!
落單果陣都有表白要等15分鐘先有，先將卡邦尼意粉變成冬甩形，然後再加蛋同埋芝士去焗
無論係外貌定係食落去嘅質感都好特別
味道就相對一般，蛋有啲過熟變咗炒蛋
但個份量超多，兩人食再加小食甜品會比較好，如果一人一個都幾飽
以依個價錢都覺得唔錯
日本蟹籽蟹肉 + 牛角包 $88
牛角包好好食! 但個餡一般般，食一次就夠
迷你蝦多士 $68
依個幾好食! 都要小小時間等待，多士焗到好脆好香口
餡入面仲見到有蝦
仲有實體Menu唔覺眼但可以落到單嘅朱古力布朗尼，可以自己選topping(?)/味，有cheese/cookies and cream/almond(無影低相唔係好肯定全名)
我揀咗cheese
雖然放咗係度但其實佢係第一個嚟，因為落單果陣無諗到一次過落，結果佢好快就到
熱焫焫上枱，唔會太甜但都好濃郁嘅朱古力味，蛋糕好軟綿綿軟滑
超好食!!
本身仲好想食蘋果金寶但電話落單顯示賣晒，不過唔知係比其他客hold咗定點，臨走果陣係門口見到QQ
Post
