露營生活

Open Now

Now Closed

今日去咗生活露營餐廳，環境不錯，最好係有露營打卡位，有小朋友嘅，可以玩吓啲露營用品，享受其中。今日點咗$288嘅經典露營燒烤放題，限時120分鐘，佢有33種唔同嘅食物可以點。其中特別推介炸物，佢有薯條、洋蔥圈、雞軟骨、紫薯甘栗餅、忌廉蟹肉餅同麥樂雞，喺等燒食物前食炸物，盡用等候時間。燒物嘅肉類方面，我特意鍾意黑椒牛扒，滑嫩可口，叉燒風金沙骨好入味，咖哩魷魚又爽滑。蔬菜方面，我鍾意燒菠蘿、蕃薯仔、冬菇同秋葵。鍾意燒烤或者鍾意食炸物嘅朋友，不妨一試。*溫馨提示，記得要風鐵板熱到出煙先燒，食物無咁易黏底。