圍爐取暖

Open Now

Now Closed

今日行左成日街腳仔好攰，係旺角見到有間露營風既打邊爐，都幾有創意喎，可以慢慢坐慢慢食，啲裝飾仲要好靚，一於試下佢啦⛺️🏔️☺️湯底都好有特色，我哋叫左胡椒豬肚雞😍😍雖然啲雞有少少肥，但好香雞味，啲肉質好扎實，豬肚又新鮮，好爽口，無腥味，處理得好好👍🏻當然要飲下佢個湯，好清甜，不過我覺得當湯飲就有少少咸，但打邊爐就岩岩好😚😚個湯底都好多餸，真材實料，兩個人黎食都唔洗叫太多配菜🤓首先叫左個即炸響鈴，浸佢落湯果陣仲會炸炸聲，相信大家都知係咩意思🤣仲叫左個牛舌，非常爽口，新鮮！😛😛滑類三拼同餃子拼盤都好推介大家叫🥟🍡餃子好有媽媽風味，粒粒都大大粒，好足料，個蝦滑好爽口彈牙，墨魚滑好香黑松露！🦐🦑雖然當日只有一個staff 但都好主動幫我地加湯😇😇唯一美中不足係我地當日位置無冷氣比較熱，可能符合返露營個主題🤣🤣不過都有個風扇比我地！整體上來講，雖然價錢偏貴，但係用料好新鮮，好乾淨，露營風亦好適合打卡，值得一試啊🐬