霸嗎拉麵 (Closed)

今晚要在將軍澳返工，返工前同同事黎呢度搵下有咩好食，霸嗎拉麵開正係地鐵站上黎的位置，所以唔想揀的我地就入左黎！湯底方面湯底有豚骨同雞白湯，又有得揀少油，岩曬我呢種怕滯的人！兩種分別有得揀跟唔跟玉子，跟雞叉燒定豚肉，仲有分辣同唔辣！小食同飲品方面都多選擇！雞叉燒味玉雞白湯拉麵我揀左硬麵同少油，的確湯底比較清，無咁滯！仲好有雞湯的甜味而麵就剛剛好，少少彈牙！不得不讚雞叉燒的嫩滑，用左做豚叉燒做法去炮製，保留左雞肉肉汁！炙燒豚肉拉麵呢個湯底就濃厚，如果喜歡豬骨濃湯，係不錯的選擇！而豚肉的脂肪都比較厚，食耐左會有點滯羽根燒餃子用左冰花餃子煎法去做，餃子饀以菜多肉少去製，口感比較清新，無傳統全豬肉餃的油膩感