Video
Read full review
2016-03-18
731 views
食左碗米線都唔夠飽囉，加多隻巨狗就應該差不多喇。問老闆邪狗同魔狗有咩分別，魔狗貴 $1 蚊，比邪狗有更多芝士喎。$1 蚊會多幾多芝士呢？收銀妹妹似係新手，膠袋未平衡就攞起，搞到斜埋一邊，茄汁同芥辣撞埋一堆，大混戰，死得好慘啊，好采都唔係太肉酸。魔鬼芝士熱狗，一隻手揸唔晒既巨狗，芝士、茄汁、芥辣到塞到滿瀉毫不吝嗇，落足本錢絕不手軟，視覺上已非常澎湃震撼！加上被香噴噴芝士及腸仔氣味衝擊著，我忍唔住喇！比上次個芝士肉醬更好美味！大量芝士，多到食食吓我覺得自己食緊 pizza，比芝心批既芝士還要多，香濃幼滑，乳香佔據整個空間，漿口黏黏既感覺好鬼正！大量茄汁混芥辣，酸酸甜甜又帶辛，醒神活腦，跟芝士味道夾到不得了！實在太好味，要出必殺連理咬先得！魔鬼芝士熱狗，巨大熱狗我要將口擘到盡先免強咬得到個橫切面影相乍，真係辛苦晒！明顯睇到麵包跟腸仔跟芝士既比例係 1 比 1 比 1 囉，果然魔鬼夠誇張！滿瀉既材料當然一咬爆漿啦，都食得幾狼狽，一手都係，好采外賣係屋企嘆乍。脆皮大大碌巨腸，肉汁勁到射出黎，搞到我隻手濕晒。肉香濃厚又香噴噴，超好味！高質外脆內嫩麵包夾住靚腸，簡單配上芝士、茄汁、芥辣，咁已經係滿分
收銀妹妹似係新手，膠袋未平衡就攞起，搞到斜埋一邊，茄汁同芥辣撞埋一堆，大混戰，死得好慘啊，好采都唔係太肉酸。
魔鬼芝士熱狗，一隻手揸唔晒既巨狗，芝士、茄汁、芥辣到塞到滿瀉毫不吝嗇，落足本錢絕不手軟，視覺上已非常澎湃震撼！加上被香噴噴芝士及腸仔氣味衝擊著，我忍唔住喇！
比上次個芝士肉醬更好美味！大量芝士，多到食食吓我覺得自己食緊 pizza，比芝心批既芝士還要多，香濃幼滑，乳香佔據整個空間，漿口黏黏既感覺好鬼正！大量茄汁混芥辣，酸酸甜甜又帶辛，醒神活腦，跟芝士味道夾到不得了！實在太好味，要出必殺連理咬先得！
魔鬼芝士熱狗，巨大熱狗我要將口擘到盡先免強咬得到個橫切面影相乍，真係辛苦晒！明顯睇到麵包跟腸仔跟芝士既比例係 1 比 1 比 1 囉，果然魔鬼夠誇張！
滿瀉既材料當然一咬爆漿啦，都食得幾狼狽，一手都係，好采外賣係屋企嘆乍。脆皮大大碌巨腸，肉汁勁到射出黎，搞到我隻手濕晒。肉香濃厚又香噴噴，超好味！高質外脆內嫩麵包夾住靚腸，簡單配上芝士、茄汁、芥辣，咁已經係滿分美食喇！推介，唔洗走去中環搵熱狗咁遠啦！
芝士熱狗，基本芝士熱狗年尾仲係 $21 蚊依家加到 $25 蚊，生意認真難做，個個都係替業主打工！
奇怪地茄汁、芥辣、青瓜醬都轉左獨立包裝？成本平啲？衛生啲？硬係感覺上唔係唧唧既無咁好。我咁貪心梗係全部加晒去，一滴都無剩啦！
芝士熱狗，放上手夠晒份量，外觀非常討好，美學既處理，擺位骨子有條理，顏色鮮豔奪目。棗紅色香腸富光澤，烤到乾爽皮勁香脆，外脆內嫩，而且充滿肉汁，填滿每條齒縫！麵包皮薄帶脆，麵包肉軟棉棉，驚喜萬分！夾住脆皮腸多重質感，非常有趣！
澎湃芝士氣味扣著熱狗腸溫柔肉香，食慾倍感大增，沾上熱狗混醬三寶跟大量濃郁半溶芝士，大啖啖無需羞怯搶住咬，迅間整隻狗已蒸發得屍骨無存，不敗的美食！
剛才一碗麻辣粉點會夠我飽呢，路過整多隻芝士巨狗就差不多喇！上水未搵到有質數既肥美炸雞髀及炸雞翼，如果 Frozen Fruit 有得供應就好啦，我唔洗再專登搭的士落大埔搵 Baby Q 同三多啊！
魔鬼芝士熱狗
61 views
0 likes
0 comments
魔鬼芝士熱狗
75 views
0 likes
0 comments
魔鬼芝士熱狗
63 views
0 likes
0 comments
芝士熱狗
29 views
0 likes
0 comments
芝士熱狗
26 views
0 likes
0 comments
芝士熱狗
27 views
0 likes
0 comments
Post
