過橋麵檔

Open Now

Now Closed

今晚放工一邊坐車返元朗，一邊用外賣平台app睇食邊間，最後決定叫過橋麵檔外賣，家人一向都鍾意食霸王雞飯，而我就鍾意食豉油王雞扒菜飯，另外再加多一份炸雲吞就啱啱好。收到外賣返到家中食物都仲算熱，我的雞扒份量都算幾多而且亦夠入味。而家人的霸王雞飯肉質都算嫩滑而且同樣夠味 (不過以往就更加入味)。至於跟飯方面，用菜飯除咗係食得較健康外，食落亦相對感覺無咁油膩。炸雲吞皮夠晒脆，而且雲吞肉餡亦美味，一份有10件其實都算係抵食。