過橋麵檔

Open Now

Now Closed

三人一齊食中午，係樓上坐，每人$58。點左水煮牛肉、霸王雞、巴辣雞配菜飯同米線。個份量都幾多，大份既。每個餸望落都色香味俱全。首先係兩碟雞先上，一碟約有十舊雞，雞肉都嫩滑。霸王雞有好多蔥絲，乾蒜，個汁係清清地既。食落好順口美味。巴辣雞，對我呢個食開十小辣既人來講，係刺激少少，食左一小塊，覺得都唔錯、幾香，比霸王雞較鹹同濃味。兩碟雞底下都鋪滿芽菜。個水煮牛肉係最遲送上，一睇，成個鍋咁大擺上枱。牛肉嫩，湯料好麻，入邊有秀珍菇，好滑，正啊！香料好多辣椒，花椒個類。味道還可以。碗米線有蔥花，清清地，OK既。總結係，雞比較好食。霸王雞巴辣雞水煮牛肉三人午餐，滿足。