Video
Read full review
2017-07-09
507 views
呢杯雪糕絕對唔可以用童年回憶來形容，因為童年係冇理由可以有咁多錢買一杯咁貴嘅雪糕。我人生中第一次食呢一杯雪糕係中三，我記得當時我哋喺銅鑼灣嘅金百利，同嗰陣時嘅一班朋友啦，係學校裏面嘅壞分子，啲訓導老師成日同我地講要殺一儆百，我就係其中一個。我記得嗰陣時金百利嘅最上高有一間買髮夾小精品嘅鋪頭，成班人最鍾意就係嗰度柴娃娃搞事。有錢嘅時候就會喺一樓買一杯雪糕，就係呢一杯阿波羅雪糕。然後香港嘅雪糕價格好似樓價一樣越嚟越升，有不同嘅外來勢力進軍香港，呢一個咁親切嘅雪糕買少見少。今日我剛剛去到半島酒店整少少野之後行過嚟特登就係想食一杯雪糕。其實沿路真係有好多唔同嘅引誘。包括有雪糕車雪糕，亦都有外國嘅雪糕店同埋東海堂嘅日本雪糕。。。。最後我都堅持行到過嚟。就係為咗食一口青年回憶。然後發現宜家呢個青年回憶加左價仲好貴。我平時最鍾意食嘅係藍莓加麥提沙，呢個配搭已經要50。好貴啊！唯有退而求其次，叫個波蘿配麥提沙。用上冰凍嘅水果同乳酪整的雪糕。原汁原味，而且不含色素。食落去依然係有當年中三着住校服柴娃娃嘅味道。我哋經常喺度追緊一啲潮流美食，有時候都要停一停食返一啲回憶，隨着香港咁競爭激烈嘅市場，今日我仲食
我人生中第一次食呢一杯雪糕係中三，我記得當時我哋喺銅鑼灣嘅金百利，同嗰陣時嘅一班朋友啦，係學校裏面嘅壞分子，啲訓導老師成日同我地講要殺一儆百，我就係其中一個。我記得嗰陣時金百利嘅最上高有一間買髮夾小精品嘅鋪頭，成班人最鍾意就係嗰度柴娃娃搞事。
有錢嘅時候就會喺一樓買一杯雪糕，就係呢一杯阿波羅雪糕。
然後香港嘅雪糕價格好似樓價一樣越嚟越升，有不同嘅外來勢力進軍香港，呢一個咁親切嘅雪糕買少見少。
今日我剛剛去到半島酒店整少少野之後行過嚟特登就係想食一杯雪糕。其實沿路真係有好多唔同嘅引誘。
包括有雪糕車雪糕，亦都有外國嘅雪糕店同埋東海堂嘅日本雪糕。。。。最後我都堅持行到過嚟。就係為咗食一口青年回憶。
然後發現宜家呢個青年回憶加左價仲好貴。我平時最鍾意食嘅係藍莓加麥提沙，呢個配搭已經要50。好貴啊！
唯有退而求其次，叫個波蘿配麥提沙。用上冰凍嘅水果同乳酪整的雪糕。原汁原味，而且不含色素。食落去依然係有當年中三着住校服柴娃娃嘅味道。
我哋經常喺度追緊一啲潮流美食，有時候都要停一停食返一啲回憶，隨着香港咁競爭激烈嘅市場，今日我仲食到呢個雪糕，聽日我可能已經食唔到某某餐廳嘅西多，又或者係某店的豆花。
Post
