Video
Read full review
2019-10-06
2117 views
今日約咗朋友去旺角食飯，因為朋友仔們都比較健康，所以就冇揀到放題，反而就揀咗一間比較有文青feel嘅樓上Cafe。我估依間Cafe嘅老闆娘應該係好中意韓星，因為你入門口，就見到間鋪頭係好多好多韓星嘅紀念品！當然啦，我哋都唔係18 22，都認唔出係邊個打邊個。佢哋幾個就揀帶咗日本五品料理，即好似muji咁樣嘅飯。我自己叫咗碗拉麵，因為冇乜胃口，仲有一個玫瑰花茶咁。玫瑰花茶係正常嘅，仲跟咗個小小嘅火爐俾你熱住啲茶，冇晒水就可以叫佢加。呢個拉麵反而有驚喜，比唔少日本拉麵檔嘅，反而仲好食。叉燒肥瘦得宜，同埋溏心蛋、帆立貝、菠菜、木耳絲，都算係幾豐富，幾十蚊都當然收貨。而且我哋仲要喺度坐到OK耐，同朋友吹水吹左幾個鐘，大家先盡興而歸，乜嘢都抵番啦！
佢哋幾個就揀帶咗日本五品料理，即好似muji咁樣嘅飯。我自己叫咗碗拉麵，因為冇乜胃口，仲有一個玫瑰花茶咁。
玫瑰花茶係正常嘅，仲跟咗個小小嘅火爐俾你熱住啲茶，冇晒水就可以叫佢加。
呢個拉麵反而有驚喜，比唔少日本拉麵檔嘅，反而仲好食。叉燒肥瘦得宜，同埋溏心蛋、帆立貝、菠菜、木耳絲，都算係幾豐富，幾十蚊都當然收貨。而且我哋仲要喺度坐到OK耐，同朋友吹水吹左幾個鐘，大家先盡興而歸，乜嘢都抵番啦！
Post
