而打淥滷汁拌粉 (青衣城2) (Closed)

一向喜歡吃台灣古早味滷味，在關注組看見這間店，趁有時間外賣回家食!!青衣分店有三張枱，店內佈置得有台灣夜市感覺~店內有簡介指他們每日不惜工本由中央工場生產，經過無菌真空處理運送到各門市，經過門市滷汁加熱後給顧客享用，所以滷味會特別新鮮和香~餐牌好多選擇，有滷味小食，都有套餐。值得一提的是店員熱情有禮!☁️古早腩肉刈包 $28超級邪惡!!厚切腩肉有1.5 cm!!肥瘦均勻，入口會啖啖脂肪，好滿足!!滷水調味剛剛好，夾着生菜可以中和油膩~店員教落刈包如果凍咗會變硬，叮返20秒就會變得鬆軟~☁️淺嚐三拼 $46醬香雞中翅2隻、滷蓮藕片4片、煙靭滷豆干8件雞中翼好入味，裏面的雞肉都有淡淡滷水香味。煙靭滷豆乾比想像中出色濃味，醃製適宜，好彈牙。最喜歡蓮藕片，蓮藕片爽脆，每片都好大件!!☁️胡麻醬手撕雞 $46- 撈冷麵很大盒，份量比想像中多!胡麻醬沾滿每一條冷麵，冷麵麵條有嚼勁，連同手撕雞青瓜絲一齊食好豐富。擺落雪櫃雪一雪再食仲正!!☁️黑糖薑母仙草 $12黑糖仙草甜品，薑味突出不會太甜，仙草很滑和較硬身。