佐賀山田 (Closed)

今日去左朋友推介青衣城佐賀山田，日式燒肉火鍋放題店。餐廳劃分左兩區，一邊食燒肉，一邊食火鍋，通風系統做得好，唔會有油煙味。涮涮鍋放題有A-E餐，另外仲有新推出既北海道未來牛套餐，可以一次過食晒11款唔同級數既肉。呢度係一人一鍋，我哋可以一次過食到兩款唔同湯底：九州風味豬骨濃湯，湯底呈香濃乳白色；日本櫻花蝦沙嗲濃湯，沙嗲味香濃惹味，仲有好多花生粒同櫻花蝦。肉類同海鮮係用QR code落單，至於其他火鍋配料、蔬菜、丸類、沙律、飲品、甜品就可以去自助放題區，任飲任食。餐廳主打既北海道未來牛，牛肉色澤好靚好新鮮，牛脂味特別濃郁，質感嫩滑，仲一D筋都無。其他肉類都好高質，啱晒我哋兩個食肉獸。另一主打日本明治雪條，都係必食之選，仲有3款口味可供選擇。總括來說，食材質素高，員工有禮貌，坐得舒服，地點便利，係朋友暢聚既好地方。