一休(居食屋)日本料理 (長發廣場) (Closed)

放工去青衣探訪朋友的新居入伙，之後朋友提議去長發商場的一間新開日本料理食晚飯。先說一下餐牌，有好多不同類型的食物，刺身，壽司，拉麵，料理，串燒，好豐富。朋友請食飯，我地都點左好多野食，先叫了一個鍋物，和牛紙火鍋，和牛分開上，紋理都好吸引，食落軟棉棉，牛肉味重，還有壽喜鍋湯底，正正子。再叫了少少壽司，壽司定價不貴，每份已是兩件的價錢，海膽壽司都是40元一份（即係兩件）。另外芝士煙肉燒菌都不能錯過，大磨菇本身多汁，上面還有著濃厚的肉醬加芝士，好juicy。我們還叫了一些串燒，有牛舌，茄子等，最後要讚一讚個燒白鱔，圖片的份量係兩串，一串價錢為45元，而家白鱔真係買少見少，但白鱔好肥美，去左骨，加左黑椒七味粉，好滿足。朋友笑說，這間餐廳會成為他日後的飯堂。