茶廳 (Closed)

呢日同朋友行完海濱長廊之後，我地就開始feel到有啲肚餓喇，跟住我個frd同我講話不如去青衣城二期睇下有咩食，咁好啦還掂我地都未去過果邊行過一入到二期就見到7-11隔離有間茶廳，咁我地見價錢都唔貴，所以就入去試下啦。嘩啲嘢食認真唔錯！首先等我講下佢個西蘭花炒鮮魷，嘩啲鮮魷又多又惹味，仲滲左啲鮮味落啲西蘭花度，真係幾好。咁跟住我地仲叫左個全日早餐黎食下，嘩超級抵食，啲黑松露同蛋嘅搭配簡直係天衣無縫，條腸都整得好好食。餐飲仲有得加少少錢轉紅豆冰都幾抵食！不過如果可以再多啲紅豆就更加好！最後我地唔夠飽仲叫多左個奶油豬！超好食！又脆又夠多煉奶同牛油！