當下 (翠怡花園) (Closed)

為了慶祝家姐結婚三周年，我哋去咗青衣逛一逛。呢度除咗有好多公園，仲有兩個好大嘅青衣城，可以輕輕鬆鬆咁行一日。我哋沿着青衣海旁一路行，就去到翠怡花園。喺翠怡花園有好多食肆，有譚仔啦，有大家樂。如果係平時隨便食就梗係冇所謂啦，但係慶祝三周年喎，梗係要食好啲啦。跟住我哋就去到第一期一座嗰邊先見到一間氣氛唔錯嘅Cafe，都吸引我哋停低睇下個Menu。本身諗住都好貴㗎啦，點知一睇個Menu，價錢都好合理喎，主菜唔使$100就有。咁但係我哋好肚餓，咁當然要食好啲啦。我哋本身想兩個都食牛扒嘅，但係老公話不如試吓唔同款，咁我哋就叫咗一碟明太子意粉，一碟澳洲肉眼扒同埋兩杯熱朱古力。 本身諗住明太子意粉都係普通野嘅，點知我覺得佢仲驚喜過肉眼扒。我最欣賞系佢嘅醬汁，唔係普通忌廉煮嘅汁，應該係同埋磨菇一齊煮嘅汁。 如果對白湯有研究嘅人，就會知道就咁加忌廉出嚟嗰個味道同用蘑菇一齊煮記汁好唔同。加上落埋明太子， 有畫龍點晴既作用。大家黎到， 一定要食哩個餐！肉眼扒其實都好食，也無紡一試。至於水吧既飲品都算多總類，只系熱朱古力略略唔夠豐富，口感薄，下次可以試其他。總括嚟講，系性價比高既西餐廳。