當下 (翠怡花園) (Closed)

青衣一向比人美食沙漠的感覺，由其喺西餐方面都無咩好味又抵食嘅選擇。朋友今次就帶左我去試下一間開業不久的西餐廳，試試水準。晚市set dinner款式都幾多，有意粉又有排餐，跟餐也有沙津或餐湯和餐飲，價錢合理。餐湯口感creamy，沙律酸酸地好開胃。📌和風明太子意粉意粉面頭放了不少明太子粒非常足料，醬汁帶有濃郁的忌廉味，伴隨住明太子的咸香，令人想再多吃幾口。意粉份量都幾大碟，麵質有咬口唔會過腍。📌炭烤智利黑毛豬排黑毛豬排比想像中大份，旁邊的炸薯角也好香脆。豬排肉質嫩滑而且無咩筋，脂肪比例不算高，可以說是啖啖肉啊。