Video
Read full review
2021-09-24
785 views
入到青衣，都知呢個區無咩選擇揀，係美食沙漠, 但我地最後都揀到呢間「 Present」食日本🇯🇵料理。上網睇下佢有咩食啦，原來之前係西式，後來轉左做日式，咁就要試試佢啦。入到去，店員都好殷勤地招待，即刻安排卡位及奉上兩杯熱茶。睇睇餐牌，裡面都勁多吾同類型既選擇，劃分左前菜、野菜、刺身、壽司、卷物、一品、揚物、玉子、鍋物、燒物、串燒、飯麵、甜品、飲品及酒類等。我地揀左黑松露日本🇯🇵枝豆（$48）做前菜。黑松露配枝豆真係第一次食，估唔到呢個配搭係咁夾，都幾特別。刺身類就揀左三文魚🍣、油甘魚、帆立貝。刺身非常新鮮，而三文魚同油甘魚都係厚切，油脂分泌非常好，食落有入口即溶嘅感覺，正！另外，我地揀左卷物- 牛油果🥑天婦羅海老卷（$108）。天婦羅🍤炸得好脆，再配上牛油果🥑令到個卷物增加啲甜味，有fresh 既感覺😋。之後再就叫左昆布清酒🍶煮蜆（78）。佢個蜆肉都幾大隻，同埋份量都吾少，用左超濃烈既清酒煮，酒味入哂落蜆到，又吾會過份over cook, 味道都不錯。再order左玉子-蟹羔玉子燒（$78）。玉子包住蟹羔，一夾裡面就流出啲蟹羔出嚟，玉子帶甜味，蟹羔帶鹹味，本以為會好奇怪，但食落又出奇
入到青衣，都知呢個區無咩選擇揀，係美食沙漠, 但我地最後都揀到呢間「 Present」食日本🇯🇵料理。上網睇下佢有咩食啦，原來之前係西式，後來轉左做日式，咁就要試試佢啦。
入到去，店員都好殷勤地招待，即刻安排卡位及奉上兩杯熱茶。睇睇餐牌，裡面都勁多吾同類型既選擇，劃分左前菜、野菜、刺身、壽司、卷物、一品、揚物、玉子、鍋物、燒物、串燒、飯麵、甜品、飲品及酒類等。
我地揀左黑松露日本🇯🇵枝豆（$48）做前菜。黑松露配枝豆真係第一次食，估唔到呢個配搭係咁夾，都幾特別。
刺身類就揀左三文魚🍣、油甘魚、帆立貝。刺身非常新鮮，而三文魚同油甘魚都係厚切，油脂分泌非常好，食落有入口即溶嘅感覺，正！
另外，我地揀左卷物- 牛油果🥑天婦羅海老卷（$108）。天婦羅🍤炸得好脆，再配上牛油果🥑令到個卷物增加啲甜味，有fresh 既感覺😋。
之後再就叫左昆布清酒🍶煮蜆（78）。佢個蜆肉都幾大隻，同埋份量都吾少，用左超濃烈既清酒煮，酒味入哂落蜆到，又吾會過份over cook, 味道都不錯。
再order左玉子-蟹羔玉子燒（$78）。玉子包住蟹羔，一夾裡面就流出啲蟹羔出嚟，玉子帶甜味，蟹羔帶鹹味，本以為會好奇怪，但食落又出奇地match, 值得一試！
黎到點少得叫一叫串燒同燒物試吓😋
➡️脆皮風鱔（$78）
呢個燒得勁香脆，又無骨，食落去係鹽燒，又啖啖肉，超讚！
➡️免治雞肉棒配蛋黃醬（$38）
店員好細心地介紹將蛋黃醬混合，然後點黎食。個肉棒點上個汁真係錦上添花👍🏻。
➡️汁燒原隻日本🇯🇵魷魚🦑（小辣）（$118）
佢個汁幾特別，吾係一般既燒汁，佢甜甜地又再帶少少🤏辣，配埋個爽口又燒香左既魷魚🦑，又幾好食wo😋..
最後點少得叫甜品🍮-日本岩鹽意大利切餅（$38）。佢啲款有啲切千層蛋糕🍰咁，出面都好少有呢款，食落好香滑，又吾會好死甜，係我鐘意既款式呀🙊
Overall 黎講服務真係超好，店員會好留意食客需要啲咩，會即刻過黎準備。食完都會問我地啲野食點？好無食呀？感覺都幾關心啲食客，會接納我地意見。野食方面都非常吾錯既，價錢都好合理，呢個水準，cp 值都真係高，真係非常推薦俾大家！
Post
