Video
Read full review
2023-11-20
134 views
得知馬灣有間餐廳可以望到青馬大橋嘅靚靚夜景 ， 特登同女朋友坐船入嚟呢邊倉食晚餐。餐廳位於青馬大橋橋底下方嘅沙灘旁。全店採取半開放式設計， 即使坐係室內，都可以欣賞到完全冇遮擋嘅青馬大橋靚景。 夜晚喺昏暗嘅環境之下，一邊欣賞青馬大橋夜景，一邊進餐，真係好浪漫。頭盤想食啲香口濃味嘢，點咗嗰黑松露雜菌配蒜蓉包。 三片蒜蓉包烤至鬆脆可口，蒜蓉微微滲出油份，就咁食到好好味。 除餐附送一小碗黑松露雜菌， 配住麵包食都好惹味。主菜想食澱粉同埋肉，點咗南瓜蘆筍忌廉汁帶子燉珍珠飯同埋德式香煎肉餅配薯餅。 珍珠飯望落好靚，啱曬打卡。 topping係兩粒大大粒嘅帶子，食落好重胡椒味。 飯粒粒飽滿分明，充滿奶油香味。蘆筍幼嫩無渣， 啱啱好中和咗奶油嘅油膩感， 整體配合得啱啱好。不得不提嘅就係呢一個薯餅，食落去口感係一絲一絲咁， 完全唔似得出面食開嘅薯餅咁會實篤篤好滯。最初以為係溝咗啲雜菜絲， 問返店員先至知道原來佢哋嘅薯餅係先將薯仔刨成絲，再搓埋一嚿， 所以先食到一絲一絲嘅口感， 好花功夫。最後再點咗一份德式格仔餅配雪糕做甜品。 同港式嘅格仔餅比較起嚟， 德式格仔餅比較薄比較脆，味道偏甜。 新鮮出爐嘅格仔
餐廳位於青馬大橋橋底下方嘅沙灘旁。全店採取半開放式設計， 即使坐係室內，都可以欣賞到完全冇遮擋嘅青馬大橋靚景。 夜晚喺昏暗嘅環境之下，一邊欣賞青馬大橋夜景，一邊進餐，真係好浪漫。
頭盤想食啲香口濃味嘢，點咗嗰黑松露雜菌配蒜蓉包。 三片蒜蓉包烤至鬆脆可口，蒜蓉微微滲出油份，就咁食到好好味。 除餐附送一小碗黑松露雜菌， 配住麵包食都好惹味。
主菜想食澱粉同埋肉，點咗南瓜蘆筍忌廉汁帶子燉珍珠飯同埋德式香煎肉餅配薯餅。 珍珠飯望落好靚，啱曬打卡。 topping係兩粒大大粒嘅帶子，食落好重胡椒味。 飯粒粒飽滿分明，充滿奶油香味。蘆筍幼嫩無渣， 啱啱好中和咗奶油嘅油膩感， 整體配合得啱啱好。
不得不提嘅就係呢一個薯餅，食落去口感係一絲一絲咁， 完全唔似得出面食開嘅薯餅咁會實篤篤好滯。最初以為係溝咗啲雜菜絲， 問返店員先至知道原來佢哋嘅薯餅係先將薯仔刨成絲，再搓埋一嚿， 所以先食到一絲一絲嘅口感， 好花功夫。
最後再點咗一份德式格仔餅配雪糕做甜品。 同港式嘅格仔餅比較起嚟， 德式格仔餅比較薄比較脆，味道偏甜。 新鮮出爐嘅格仔餅熱辣辣，配上凍冰冰嘅雪糕， 一道甜品兩種享受。
Post
