花楽 (北京道1號) (Closed)

位置北京道1 號8/F , 窗口位有靚view成個Tea set display 係幾靚，個熱氣球架打卡冇得彈。食物質素都唔錯，刺身算幾新鮮，炸物都好香脆，特別係佢個燒鱈魚乾超好食🤤唯一係個冷盤蕃茄真係麻麻地（食落去冇乜味又冇醬汁）玻璃盒裡面的甜品都好食，我自己最鍾意係件朱古力榛子蛋糕👍和果子嘅造型都好靚，食落去又唔會太甜😚飲品我哋揀咗杏仁焦糖薰紅茶，套茶具幾靚，紅茶飲落去個味幾香。～ 不過硬係唔係好鍾意佢哋用呢一張黑枱布，一有少少水漬就好礙眼，同埋好似唔係好襯日式餐廳😅～另外佢哋上完個Tea set都唔跟Wasabi, 我覺得呢個係食刺身壽司最基本係要跟，要舉手問個店員先至有提供，如果可以注意返呢D細節位就好。