鐵板燒海賀

Open Now

Now Closed

鐵板燒海賀秋冬會席⭐️精選秋冬前菜兩點⭐️秋冬精選刺身一款及金槍魚和甜蝦⭐️松葉蟹大根煮物⭐️甘鯛立鱗燒芒果蛋黃醬⭐️鐵板燒帆立貝松茸清湯⭐️鐵板燒大蝦蜜糖山葵醬⭐️鐵板燒美國牛肉眼薄燒⭐️三十六個月風乾伊比利亞火腿炒飯⭐️甜品2024年嘅最後一餐去左係尖沙咀嘅鐵板燒海賀。前菜係鮟鱇魚肝同埋鰻魚，兩款都係秋冬精選食材。刺身有油甘魚丶吞拿魚同埋甜蝦，每一款都好鮮甜。之後係松葉蟹大根煮物，松葉蟹嘅鮮甜配合大根嘅清爽，兩者相輔相成。而甘鯛立鱗燒做到魚肉嫩滑，外皮香脆，再配上芒果蛋黃醬，味道幾特別。鐵板燒帆立貝松茸清湯簡單但不失美味，湯底清澈見底，每一口都充滿帆立貝嘅鮮美，好暖胃。鐵板燒大蝦鮮嫩多汁，加上蜜糖山葵醬，甜甜哋仲有少少辣，配上旁邊香脆嘅多士，層次感十足。美國牛肉眼薄燒，燒得剛剛好，保留咗肉汁，食落去好juicy。作為配菜嘅意大利蕃茄好有驚喜，夠晒清爽，而且食落去有微微嘅甜味，想食多半個。