湖越

Open Now

Now Closed

去耐都無去過大美督,一心諗住玩完食埋飯先走,上兩次黎都係bbq,今次唔想燒到一頭煙,見網評呢間越南野ok,決定試試,由於係閑日加上時間尚早,個天又落住毛毛雨,我地係第一枱客,點好餐,先黎飲品,椰青&滴漏咖啡,由於本人都係第一次飲越南滴漏咖啡,感覺比較甜,有可能加左煉好關係吧....都👌好飲既,再上春卷撈檬,佢地d檬粉就比較奇怪,偏向似攣咗既米粉,而且比較乾身,麻麻地,春卷入面係免治豬肉,入面有好多香料,春卷好食,後上豬肉串,外層甜甜地,咬落好香,烤到啱啱好,正,然後係火車頭紅飯,食肉獸最愛🤣,有豬肉串,香茅豬扒,扎肉,香茅雞翼,墨魚餅,仲有隻煎蛋喺紅飯上面,除左豬肉,原來佢地d墨魚餅都彈牙,食得出好香墨魚味,呢個飯,最後係煙三文魚牛油果米紙卷,個人比較傾向點酸甜魚露,黃黃地花生既汁,比較稀,花生味唔係咁出,係個椰青真心貴左d外😅,總括黎講呢餐好食