Video
Read full review
2024-04-17
132 views
Black Bear - 太古📍太古太古城道22號明宮閣地下G406號舖 太古除咗喺商場入面嘅食肆，其實喺住宅大廈附近都仲有好多選擇，今次嚟到呢間Cafe，七點幾左右都坐滿晒人，主食都賣得好快，證明係幾受歡迎。照燒牛肉高湯稻庭烏冬- $82呢份係剩返最後一份嘅烏冬，熱辣辣，牛肉份量多，仲用咗洋蔥一齊煮，有種洋蔥嘅清甜。稻庭烏冬好滑好彈牙。湯底類似壽喜燒味，味道適中，唔會太鹹。香草醬煙三文魚意粉 -$88貌相都幾靚，煙三文魚整到花花咁樣，仲有兩大嚿，好大方。香草醬唔會草青味太重，都幾creamy, 但唔會好漏。黑熊芭菲-$88成個都係以咖啡為主題嘅芭菲，軟雪糕係極濃嘅咖啡味，超吸引。嗰幾粒都係咖啡味嘅啫喱，雙重咖啡享受。仲配上咗上面嘅焦糖脆餅，芭菲入面又有蛋糕，脆片同一層朱古力味嘅moussy, 好多層次。士多啤梨牛角包窩夫 -$88係近年大熱嘅牛角包窩夫，雖然佢話要等15至20分鐘，但其實都好快上枱。牛角包外面酥脆，裏面煙煙韌韌，又夠熱。擺盤都好靚。佢個士多啤梨味吉士，入面仲有啲士多啤梨粒，甜而不膩，同窩夫好夾。Babyccino - $38佢呢度嘅飲品選擇，其實好多，但朋友有啲唔舒服
📍太古太古城道22號明宮閣地下G406號舖
太古除咗喺商場入面嘅食肆，其實喺住宅大廈附近都仲有好多選擇，今次嚟到呢間Cafe，七點幾左右都坐滿晒人，主食都賣得好快，證明係幾受歡迎。
12 views
0 likes
0 comments
照燒牛肉高湯稻庭烏冬- $82
呢份係剩返最後一份嘅烏冬，熱辣辣，牛肉份量多，仲用咗洋蔥一齊煮，有種洋蔥嘅清甜。稻庭烏冬好滑好彈牙。湯底類似壽喜燒味，味道適中，唔會太鹹。
4 views
0 likes
0 comments
香草醬煙三文魚意粉 -$88
貌相都幾靚，煙三文魚整到花花咁樣，仲有兩大嚿，好大方。香草醬唔會草青味太重，都幾creamy, 但唔會好漏。
0 views
0 likes
0 comments
成個都係以咖啡為主題嘅芭菲，軟雪糕係極濃嘅咖啡味，超吸引。嗰幾粒都係咖啡味嘅啫喱，雙重咖啡享受。仲配上咗上面嘅焦糖脆餅，芭菲入面又有蛋糕，脆片同一層朱古力味嘅moussy, 好多層次。
3 views
0 likes
0 comments
士多啤梨牛角包窩夫 -$88
係近年大熱嘅牛角包窩夫，雖然佢話要等15至20分鐘，但其實都好快上枱。牛角包外面酥脆，裏面煙煙韌韌，又夠熱。擺盤都好靚。佢個士多啤梨味吉士，入面仲有啲士多啤梨粒，甜而不膩，同窩夫好夾。
3 views
0 likes
0 comments
Babyccino - $38
佢呢度嘅飲品選擇，其實好多，但朋友有啲唔舒服，所以叫咗杯Babyccino. 其實即係熱牛奶打泡，佢上面仲有啲朱古力碎，都好有誠意。
6 views
0 likes
0 comments
香桃乳酸梳打-$50
夏天飲呢杯梳打，真係一流，佢唔會太甜，亦有乳酸既酸酸尾尾，好開胃解渴。
Post
