Video
Read full review
2024-08-18
144 views
《Room 3 - 尖沙咀》估唔到平時幫襯開既酒吧都會有下午茶供應😎平時我一般都係Happy Hour時同朋友過黎飲番杯cocktail，今次早左黎可以趕得上食佢地個下午茶Tea set🤓$598/2位既set 一共有九樣精美既茶點，入面仲包括左兩杯Room 3 既signature cocktail 🍹 入面既點心都唔淨係得甜品架，仲有不少味道特別既咸點，我個人覺得都幾值得一試😉重點係酒吧入面打卡位好多，輕易就可以影到不少靚相☺️💁🏻♀️Starter🔹Caviar Crab Meat Tart頭盤入面既其中一款點心係蟹肉魚籽撻，個撻皮酥脆有牛油香，上面既蟹肉絲咸咸地都幾鮮味🔹Seafood Salad in Tomato個蕃茄食落幾香甜，配合蟹棒蝦肉牛油果沙律既味道都幾特別，又咸又甜既感覺我一向都幾喜歡的🔹Cheesy Tempura Prawn本來唔知浸住既係芝士醬，仲以為係沙律汁添，但原來個味道都幾rich，有啲似用黎點nachos 既芝士汁，個炸蝦外脆內軟，點埋個汁食都幾濃味💁🏻♀️Mini Mains🔹Wagyu Beef Patty Toast咁多樣點心我就最喜歡呢一款啦，
估唔到平時幫襯開既酒吧都會有下午茶供應😎平時我一般都係Happy Hour時同朋友過黎飲番杯cocktail，今次早左黎可以趕得上食佢地個下午茶Tea set🤓$598/2位既set 一共有九樣精美既茶點，入面仲包括左兩杯Room 3 既signature cocktail 🍹 入面既點心都唔淨係得甜品架，仲有不少味道特別既咸點，我個人覺得都幾值得一試😉重點係酒吧入面打卡位好多，輕易就可以影到不少靚相☺️
💁🏻♀️Starter
🔹Caviar Crab Meat Tart頭盤入面既其中一款點心係蟹肉魚籽撻，個撻皮酥脆有牛油香，上面既蟹肉絲咸咸地都幾鮮味
🔹Seafood Salad in Tomato
個蕃茄食落幾香甜，配合蟹棒蝦肉牛油果沙律既味道都幾特別，又咸又甜既感覺我一向都幾喜歡的
🔹Cheesy Tempura Prawn
本來唔知浸住既係芝士醬，仲以為係沙律汁添，但原來個味道都幾rich，有啲似用黎點nachos 既芝士汁，個炸蝦外脆內軟，點埋個汁食都幾濃味
💁🏻♀️Mini Mains
🔹Wagyu Beef Patty Toast咁多樣點心我就最喜歡呢一款啦，和牛漢包三文治入面夾住豬扒汁同少少芥末，肉汁鮮嫩十分惹味，建議襯熱食
🔹Lobster Meat Tossed Cold Udon
呢個白汁凍烏冬都係其一我幾喜歡既主食，入面有不少龍蝦肉同蟹籽，睇落細細份，其實兩個人分都有點creamy 的，份量剛剛好
🔹Salmon Steak in Tangy Sauce
三文魚扒炸得酥脆，食落香口，個汁有點似他他醬，入面仲有三文魚籽同埋椰菜絲添，感覺就好似食緊另一款白汁沙律咁，都幾開胃的
💁🏻♀️Sweets
🔹Japanese Roll Cake呢款紫色既蛋糕係葡萄味的，口味偏甜，可能我比較少食水果口味既卷蛋啦，我都係prefer 雲尼拿朱古力呢啲classic 口味多啲
🔹Red Bean Daifuku
淨係睇個樣，以為係芝麻餅來的，原來個質感有啲似糯米糍，食落軟淋淋而且幾香紅豆蓉味，咬落香甜，算係幾日式既和果子，配熱茶應該幾match
🔹French Toast Waffle
法式多士個糖漿食落都幾甜膩，建議放到最尾先食，質感鬆軟香口，係甜左少少🤏
💁🏻♀️Signature Cocktail
🔹Anana Epice
兩杯cocktails 個外型都好打卡able，呢杯睇落係黃橙色做主色，味道偏向熱帶風味，有菠蘿同少少柚子既香氣，比較fruity 易入口🔹Empres
我呢杯上枱時都幾震撼架，用個月光寶盒裝住杯飲品，旁邊仲有假花做裝飾，用黎打卡一流呀，味道方面，明顯飲到陣陣既紫蘇同青檸味，飲杯清新無咁甜，啱曬我🫶🏻
Post
