Video
Read full review
2004-07-08
3 views
想黎北京道一號食野好耐，因為想睇下個VIEW有幾靚，終於有機會喇﹗本來想食火間土，但因為佢太串喇，朋友話打去訂位時佢話一個鐘，7點到8點，得就得，唔得就WALK-IN等位。7點半上到去，太多人等緊，相反見隔離呢間唔洗等，心諗咪又係同一個VIEW，所以就入左黎呢間食囉﹗黎呢度，點都要叫番個牛扒，所以揀左個肉眼扒($288)，五成熟，另外再叫左個芝士漢堡包($88)，七成熟…哈，唔知$88一個芝士漢堡包同老麥$7一個芝士漢堡包有幾大分別呢？個扒黎到，果然係五成，剛剛好，真係好好味，肉汁豐富，口感一流。到個芝士漢堡包喇，真係好大個，而且D漢堡肉味好香，真係幾好味，但講真又好似唔值$88喎﹗但全餐最好味0既，就係配菜薯條喇，大大條，好香口，勁正﹗講完食物，講返個VIEW，全晚望住維港景色，真係好舒服，仲睇埋幻彩詠香江添，真係唔錯啊﹗
本來想食火間土，但因為佢太串喇，朋友話打去訂位時佢話一個鐘，7點到8點，得就得，唔得就WALK-IN等位。
7點半上到去，太多人等緊，相反見隔離呢間唔洗等，心諗咪又係同一個VIEW，所以就入左黎呢間食囉﹗
黎呢度，點都要叫番個牛扒，所以揀左個肉眼扒($288)，五成熟，另外再叫左個芝士漢堡包($88)，七成熟…
哈，唔知$88一個芝士漢堡包同老麥$7一個芝士漢堡包有幾大分別呢？
個扒黎到，果然係五成，剛剛好，真係好好味，肉汁豐富，口感一流。
到個芝士漢堡包喇，真係好大個，而且D漢堡肉味好香，真係幾好味，但講真又好似唔值$88喎﹗
但全餐最好味0既，就係配菜薯條喇，大大條，好香口，勁正﹗
講完食物，講返個VIEW，全晚望住維港景色，真係好舒服，仲睇埋幻彩詠香江添，真係唔錯啊﹗
Post