Video
Read full review
2018-03-28
316 views
早排細佬個女朋友話好想食甜品，唔知邊到摷到呢間【特式甜品】，點知咁岩係呀哥既朋友開既，就趁住個星期日放假大家一齊去試吓！一行4人去到，都要等左一陣先有位，甜品店唔算大，印象中記得大概有4-5張方枱，都比人坐晒，我地就坐吧枱，不過咁樣仲好，因為可以近距離睇住甜品師傅響我地面前整甜品，見到佢地真係好忙無停過手。餐牌上既甜品全部都係英文寫既，都唔知乜野係乜野🤪好在有圖片比我地睇，但幅幅圖既甜品都好鬼靚，大家都決定唔到食咩好？最後我揀左一份【富士山】，細佬女友就點左【櫻花樹】，至於飲品呀哥點左咖啡，細佬點左冬檸茶，因為係手整甜品，大家都預等候時間唔會好快，就一邊欣賞佢地制作過程⋯⋯但好幾次以為係我地既甜品原來都係人地既🤣當甜品黎到時，甜品師好詳細講比我地聽，甜品有啲咩料，當時我都無細心聽，淨係想快啲食左佢地😅我淨係知道好好食，富士山🗻味道較清新，甜甜酸酸，另外櫻花樹就係較濃味既朱古力，太甜既食物我都唔嗜，留比鐘意嗜甜既佢地，飲料方面我無飲到，但見細佬杯冬檸茶我覺得好得意，因為孤陋寡聞既我，第一次見無檸檬既冬檸茶🍋，而係選用檸檬汁🤪咁樣都的確幾創新！上次因爲趕時間都唔敢點太多，下次有時間一定會試
一行4人去到，都要等左一陣先有位，甜品店唔算大，印象中記得大概有4-5張方枱，都比人坐晒，我地就坐吧枱，不過咁樣仲好，因為可以近距離睇住甜品師傅響我地面前整甜品，見到佢地真係好忙無停過手。
餐牌上既甜品全部都係英文寫既，都唔知乜野係乜野🤪好在有圖片比我地睇，但幅幅圖既甜品都好鬼靚，大家都決定唔到食咩好？最後我揀左一份【富士山】，細佬女友就點左【櫻花樹】，至於飲品呀哥點左咖啡，細佬點左冬檸茶，因為係手整甜品，大家都預等候時間唔會好快，就一邊欣賞佢地制作過程⋯⋯但好幾次以為係我地既甜品原來都係人地既🤣
當甜品黎到時，甜品師好詳細講比我地聽，甜品有啲咩料，當時我都無細心聽，淨係想快啲食左佢地😅我淨係知道好好食，富士山🗻味道較清新，甜甜酸酸，另外櫻花樹就係較濃味既朱古力，太甜既食物我都唔嗜，留比鐘意嗜甜既佢地，飲料方面我無飲到，但見細佬杯冬檸茶我覺得好得意，因為孤陋寡聞既我，第一次見無檸檬既冬檸茶🍋，而係選用檸檬汁🤪咁樣都的確幾創新！
上次因爲趕時間都唔敢點太多，下次有時間一定會試其他款式。
Post
