漫花燈火OMG (Closed)

餐廳門口係一道神秘嘅粉紅色大門，一推開就係萬花筒嘅走廊，好多人都會晌度打卡，堅靚！走到入中間大廳天花滿滿紫滕花，色彩繽紛嘅牆身。坐邊個位影相都咁靚👍🏻食物方面，我就覺得價錢偏貴，我哋散叫：🍴南瓜忌廉湯 味道正常，ok嘅。🍴黑魚子麵包蟹意大利飯 麵包蟹蓋裝住意大利飯裝到好滿，味道都不過不失。蟹蓋下面墊住好多石春，要小心啲飯好易跌落d石春罅😅🍴慢煮比利時豬鞍伴脆甜番薯條 店員好細心地提前話俾我哋聽，因為係慢煮嘅關係，所以切開個肉係偏粉紅色嘅，食落都好juicy，番薯條都炸得好脆，甜甜地幾好食。🍮羅浮圓宇宙 賣相唔錯，不過味道偏酸，唔太啱我口味。🍹OMG 5C - 唔夠凍、味道偏淡、一般。🍹紅火龍果西瓜士多啤梨奶昔 - 味道偏淡。🍹芒果熱情果橙沙 - 得呢杯比較好飲d。呢度服務同環境都好，不過價錢老實講就貴左d。如果食物同飲品質素再提升一下就更完美。