叉燒大王

Open Now

Now Closed

今日又來到沙田圍食嘢，見到一間叉燒大王有啲小菜同埋啲小炒好似唔錯，於事就同朋友入咗嚟啦。店內環境舒適，而且我同朋友都坐到卡位。餐牌上面嘅選擇都幾多，有各式各樣同種類嘅小菜，任君選擇。食叉燒大王當然要叫叉燒喇！咁我呢就叫咗一個例牌叉燒。 叉燒嘅肥瘦適中，而且入口溶化，調味唔會太濃烈，啱啱好！ 確實係好好食嘅叉燒，好推介大家叫！另外叫咗西蘭花炒帶子！帶子非常之大粒，咬落去好彈牙而且有鮮味。西蘭花炒咗一啲汁，都非常之入味。另外叫咗金沙蝦膠蒸滑豆腐，豆腐真係非常之滑嫩，而且配上蝦膠，更顯鮮味，啲豉油送飯一流呀！整體係價錢合理，而又非常好食嘅小菜晚飯喇。應該都會再嚟食過嘅！