Video
Read full review
2022-09-30
355 views
咁啱喺同一橦大廈上面嘅鋪頭買野，醒起「收藏」左呢間印度菜一路都未試，擇日不如撞日喇、就搭𨋢落去４樓試一試佢～ 一開𨋢門已經畀佢門口裝潢吸引到， 靚到～！ 等到帶位幫我地登記之後，要穿過一塊大大塊嘅布 就會入左餐廳用餐嘅位置，入到嚟第一樣會留意到嘅， 係好香嘅香料味！ 仲要好好彩咁啱有窗口位，食埋佢個景無得頂呀～ 先點左兩杯佢地嘅招牌雞尾酒：Kerala Sunset ，以白蘭地酒底加上唔同嘅果酒以為果汁調製而成，上面放左一個無花果。 如果大家上網搵「Kerala Sunset」，應該都係會見到印度沿海地區基拉拉（Kerala）嘅日落美景，同呢杯雞尾酒的確係十分相似～另一杯叫 Hera Pheri，以龍舌蘭酒Mercal加上橙酒、糖漿以及檸檬汁調製而成，相對地比較甜。Hera Pheri 本身係一套印度著名喜劇電影嘅戲命，亦有犯規嘅意思，至於杯酒係跟據邊一樣而命名，就不得而知了~呢間餐廳嘅名字 Chutney，本身係印度菜一種傳統嘅點醬，估計都係因為咁好多佢地嘅菜式都係跟埋一款 Chutney 醬，餐廳另一個特色，就係佢地廚房入面嘅印度傳統烤爐 Tandoor ，呢一種由上而下通
等到帶位幫我地登記之後，要穿過一塊大大塊嘅布 就會入左餐廳用餐嘅位置，入到嚟第一樣會留意到嘅， 係好香嘅香料味！ 仲要好好彩咁啱有窗口位，食埋佢個景無得頂呀～
先點左兩杯佢地嘅招牌雞尾酒：Kerala Sunset ，以白蘭地酒底加上唔同嘅果酒以為果汁調製而成，上面放左一個無花果。 如果大家上網搵「Kerala Sunset」，應該都係會見到印度沿海地區基拉拉（Kerala）嘅日落美景，同呢杯雞尾酒的確係十分相似～
Kerala Sunset
28 views
1 likes
0 comments
另一杯叫 Hera Pheri，以龍舌蘭酒Mercal加上橙酒、糖漿以及檸檬汁調製而成，相對地比較甜。Hera Pheri 本身係一套印度著名喜劇電影嘅戲命，亦有犯規嘅意思，至於杯酒係跟據邊一樣而命名，就不得而知了~
Hera Pheri
31 views
0 likes
0 comments
呢間餐廳嘅名字 Chutney，本身係印度菜一種傳統嘅點醬，估計都係因為咁好多佢地嘅菜式都係跟埋一款 Chutney 醬，餐廳另一個特色，就係佢地廚房入面嘅印度傳統烤爐 Tandoor ，呢一種由上而下通常以串燒方式放食物入去烤嘅爐，特點在於佢本身嘅熱力非常高，保持爐內熱力嘅時間亦好長，所以對於處理肉類以及烤餅呢一類食材可以話係「快靚正」。
我地就叫左一個用 Tandoor 整嘅 免治羊肉串（Lamb Seekh Kebab），雖然個賣相麻麻地 ，但係味道就好唔錯，香料味好強，配合濃味嘅羊好夾，下次應該會叫羊扒， 應該會可以更加特顯到Tandoor 嘅功力。
Lamb Seekh Kebab
20 views
1 likes
0 comments
另外叫左個Achari Beef Short Ribs，係北印度風格嘅咖喱，可能食得太多佐敦好出名嘅咖哩飯，個感覺係有啲似，當然食材用料本身就好唔同喇，牛好腍加埋咖喱汁，特別係加左石榴籽有種強烈嘅果香成對比，非常唔錯。 有咖喱汁， 就梗係要有 Naans啦，呢個基本動作唔會少喇～
A hair Beef Short Ribs
23 views
0 likes
0 comments
Naan
18 views
0 likes
0 comments
食飽同店員傾談間，佢仲介紹左兩款印度威士忌畀我地認識，餐廳嘅氣氛好， 食物質素好， 店員又友善有禮貌，如果想試下唔同類型嘅印度菜可以試下~！！
Post
