Video
Read full review
2021-07-09
492 views
早排去康城睇樓，自己一條友就求其食個快飯啦。每當獨處時，我就最鍾意食碗麵🥢，於是揀咗門面光鮮嘅「天后站清湯腩」開餐。以麵店來講，佢環境冇得輸，餐枱排列整齊，座位之間唔算迫，而且最重要係感覺乾淨衛生👍。我要咗一碗清湯崩沙腩麵($49+$6升級腩)加墨丸(+$6)。題外話，我留意到店員們嘅服務好細心，例如我同A店員落單時講咗要走青，佢當然記得；而B店員見到碗麵冇青時，亦會問清楚係咪走咗，唔會亂咁嚟🙏🏻。你知啦，唔食蔥嘅人真係頂唔順浸味㗎。個人對牛腩冇乜研究🐮，不過幸好餐廳有喺餐牌同牆壁上列出幾種特別腩嘅特徵。我揀咗崩沙腩，因為見佢寫住係「靚女最愛」嘛，哈哈😆。沙腩好味道，係一個好均勻嘅位置，「有肉有筋有點肥」果然形容得好貼切。牛腩肉嫩得嚟又帶點爽口，而且肉味仲相當濃郁。墨丸$6兩粒，口感爽彈，屬正常水平，未算有太大驚喜🍢。麵條我要咗幼麵，麵質彈牙，而且唔重鹼水味🍜。湯底亦都唔錯，無乜油，亦唔覺有落味精，因為飲完都冇口乾。我另外加咗$10要支裝豆漿🥛。總括嚟講，估唔到喺康城嘅商場內食到一碗幾正嘅牛腩麵，價錢偏貴，不過質素確係幾好😋，難怪都有唔少街坊幫襯。我細閱餐牌，仲發現呢度有擔擔麵同酸辣粉
早排去康城睇樓，自己一條友就求其食個快飯啦。每當獨處時，我就最鍾意食碗麵🥢，於是揀咗門面光鮮嘅「天后站清湯腩」開餐。
以麵店來講，佢環境冇得輸，餐枱排列整齊，座位之間唔算迫，而且最重要係感覺乾淨衛生👍。
我要咗一碗清湯崩沙腩麵($49+$6升級腩)加墨丸(+$6)。題外話，我留意到店員們嘅服務好細心，例如我同A店員落單時講咗要走青，佢當然記得；而B店員見到碗麵冇青時，亦會問清楚係咪走咗，唔會亂咁嚟🙏🏻。你知啦，唔食蔥嘅人真係頂唔順浸味㗎。
崩沙腩
4 views
1 likes
0 comments
墨丸$6兩粒，口感爽彈，屬正常水平，未算有太大驚喜🍢。
麵條我要咗幼麵，麵質彈牙，而且唔重鹼水味🍜。湯底亦都唔錯，無乜油，亦唔覺有落味精，因為飲完都冇口乾。
我另外加咗$10要支裝豆漿🥛。
總括嚟講，估唔到喺康城嘅商場內食到一碗幾正嘅牛腩麵，價錢偏貴，不過質素確係幾好😋，難怪都有唔少街坊幫襯。我細閱餐牌，仲發現呢度有擔擔麵同酸辣粉食添。餐廳整多啲口味都好吖，等食客唔使食嚟食去都係嗰幾味咁悶。
Post
