淥烚年代

Open Now

Now Closed

今日同屋企人嚟到尖沙咀嘅淥烚年代，位置都好方便。黎嘅主要目的係佢地嘅湯底😍同其他餐廳好唔同，真係用老火湯黎做湯底，喺開始打邊爐前係可以每人一碗嘅，我地就揀左鹿茸菌花膠湯，雖然還未湯底，但係都絕無欺場，非常足料，亦都無味精👍🏻👍🏻我地叫左呢個4人餐，牛同豬就基本啦，但基本得黎無諗過份量咁多，而且唔係普通街市肥牛，而係高質嘅手切安格斯牛肉。不過最出色嘅都係呢個海鮮拼盤，有龍蝦、大蜆、蠔同鱔片，龍蝦啖啖肉，唔係用啲蝦殼黎充撐場面，超足料仲要勁新鮮😍😍😍另外佢嘅丸都係手打嘅，絕對唔係就咁現成買，但最最最值得一讚嘅係佢嘅響鈴係鮮炸架！上嘅時候仲熱辣辣，攤一陣之後即刻變脆，絕對夠曬誠意👍🏻👍🏻