冠華冰廳·阿爺燒鵝

Open Now

Now Closed

放工返屋企唔想煮飯，喺附近買外賣返屋企食先。阿爺燒鵝飯燒鵝皮油脂感十足，鵝肉咬落鬆軟仲好juicy。加錢轉胸肉，食落啖啖肉仲正。飯底吸咗啲燒鵝油好香口，仲有椰菜消下油膩。咸蛋黃流晒油好正，食落又唔會太咸，啱啱好。黯然銷魂叉燒飯有兩隻煎蛋，蛋白啱啱熟，脆脆地，而蛋黃仲半生熟流蛋汁，撈飯一流。叉燒係半肥瘦，咁先最正。外層燶燶地好香，入口每一啖都有陣油香味唔錯。淋咗秘製嘅醬汁，食落更惹味。飲品分別嗌咗熱檸茶同熱檸蜜。