尚膳養顏滋補鍋

Open Now

Now Closed

早排朋友帶我黎食哩間尚膳打邊爐，第一次食估唔到有驚喜喎！一入去環境好寬敞，坐得幾舒服全程手機落單，出面仲有幾款小食任添，比我地過下口癮先👅因為我鐘意食麻辣，朋友又唔食得辣，咁叫左鴛鴦鍋就一次過滿足曬我地～一邊麻辣，一邊酸菜白肉($128)本身麻辣鍋已經有鴨血，酸菜鍋又有豬肉，點知仲額外比多一份，真系好抵食😆份鴨血好正，好入味👍🏻手切牛肉（大）($288)，上菜估唔到都幾大碟，好新鮮🐂牛肉味好濃⭐️推介推介⭐️蟹籽墨魚丸($78)🦑食得出真材實料，食到粒粒墨魚肉蟹柳響鈴($58)，好特別既口感，同一般響鈴完全唔同，外面脆脆地，但入面又有蟹柳既口感我地仲試左兩款海鮮，桂花蚌($138)同白鱔片($118)不得不提，佢地啲海鮮都超新鮮😍桂花蚌好鮮甜，爽口彈牙，白鱔片每片都大大塊，好好味😋宜加只要like佢地社交平台，仲有飲品寧神洛神花茶送，味道都唔差食飽飽之後，店員主動問我地要唔要生果，點知一上即刻心心眼😍，咁精緻既生果拼盤都系第一次見最後不得不讚，哩度既店員服務態度好好，座位坐得又舒服，下次一定要試埋佢既美人鍋先得😋