米走雞Deluxe (Moved) New Location

去過幾間「米走雞」，我覺得啲火鍋料唔錯。今次和兩個朋友去銅鑼灣呢間試吓，首先叫咗個大雞煲，再加埋一大碟靚靚雪花肥牛，脆鯇魚腩，竹笙墨魚滑，芝士丸，脆炸響鈴、菜等。首先係店員表演開火雞煲，原來大雞煲嘅份量真係認真唔少，我哋三個食完雞煲都食到六成飽🤣🤣特別值得一讚嘅係雪花肥牛和脆炸響鈴，由於我哋唔係嗌最貴嗰種肥牛，本身都唔係咁大期望，結果一食落又覺得真係唔錯喎，幾嫩滑，絕對值得推介。脆炸響鈴好大件，浸落雞煲好惹味😋😋餐廳座位都幾闊落，位於銅鑼灣鬧市， 10分方便。