霸王川莊 (iSQUARE國際廣場)

Open Now

Now Closed

有人無意中留意到呢間川菜，見到環境都幾靚，所以同朋友去試下。入到黎都見到幾乎滿座。一坐低，STAFF已經為我地倒茶同問我地需唔需要叫片皮鴨，因都需要要４５分鐘。我地４人叫左半隻片皮鴨，水煮魚，小籠包同辣子雞等等。片皮鴨既皮唔厚，而且油脂好平均，唔會太多肉，感受唔到個皮，特別放係中間係脆皮，咬落去係有聲。值得再食呢個片皮鴨。水煮魚睇落好似好辣，但其實只有唔太辣，不過就愈食愈麻同咸。魚既肉質都正常，唔會太淋，而且可以有４款配料揀，當中牛肚配呢個辣係幾惹味。至於辣子雞係比水煮魚更加辣，但雞皮係炸得非常脆口，食到後尾係辣到食唔到。小籠包就正常，皮算薄但就唔多肉汁係裹面。呢餐飯最大既賣點係有個靚景，望住靚景食咩都加曬分。