星薈

Open Now

Now Closed

雖然有啲過分，不過都係照做👉🏽👈🏽講緊乜？就係lunchtime去拆大閘蟹喇🦀今日同老公喺尖沙咀星薈每人嘆咗個盛大回歸嘅經典「兩皇一后」大閘蟹餐，雖然話係一人餐，但其實份量十足。而且環境一流，望住維港拆蟹都拆得開心啲❤️🦀蟹肉芙蓉羮用鮮蟹肉煮，加上蛋白同豆腐，非常足料，入口香滑，好好味😋🦀煙鴨胸併青瓜嘅煙鴨胸好入味，青瓜🥒夠爽口，仲有少少麻辣味添👍🏻🦀鮮拆蟹粉小籠包入面有滿滿蟹黃、蟹肉同肉汁，要一啖食晒，喺口入面爆汁先夠風味🦀重頭戲清蒸大閘蟹會分三輪上等你夠時間慢慢嘆😊每人兩皇一后，公蟹比較重，亦都有少少啫喱膏同白膏；蟹乸亦有橙色嘅硬膏，三隻都好多膏同鮮甜，超正❤️🦀翡翠炒蝦球蝦球大大隻食落超爽口，配搭翠肉瓜味道清新🦀黑醋霜降肉彈牙爽脆，因為炸過所以仲有少少脆口，加上以黑醋嚟煮，好入味🦀蟲草花浸時菜，減低油膩感甜品當然唔少得薑茶湯丸啦🥣解一解蟹寒氣暖返個胃。