Bellevue Bar and Grill (Closed)

網上見到好多好評，就諗住試下豪食一餐。第一次來到餐廳，餐廳位於鬧市中的23樓，一出lift，以為係專為情侶而設的餐廳添，裝飾到處掛滿心心同燈，燈光偏暗偏柔和，馬上比人一種好relax的感覺。坐下之後也不會很冷，這個很加分！望著外面180度無遮擋的開揚景色，同朋友邊食邊傾不知不覺就經過左三個小時，好似專門來傾計，食嘢係其次咁～食物方面我哋兩個人單點羊架，豬架，龍蝦意粉同一個甜品，羊架要七成熟，外脆內嫩多汁，唔會太臊，三隻羊架都好有份量，如果配菜再優秀d就更好了～因為唔食牛，就揀左豬，味道少少淡，肉質較硬身，可能豬肉質地就係咁，不過點上醬汁都幾好～意粉醬汁做得好，都唔會太差，龍蝦肥美新鮮，配酸酸哋的番茄醬，可以解下咁多肉的滯膩。最後甜品點左Opera cake，比較甜，草莓就可以中和一下，想要浪漫氣氛的可以來試下～