新羅寶韓國餐廳 (利舞臺廣場)

Open Now

Now Closed

餐廳位處高樓層，窗邊有開揚景觀。套餐三式前菜，麻油菠菜味道好香，泡菜偏酸帶薑味，爽口開胃，煎蛋捲就比較平庸，冇乜味道又比較實淨。辣汁煮雞味道頗辣，裏面仲混合咗雞蛋花，超級送飯，上面鋪滿咗滿滿切絲生紫蘇葉，趁住砂鍋上枱熱辣辣，即刻就撈勻，辣雞汁頓時加添紫蘇葉嘅獨有香味紫蘇葉絲焯得半生熟，逼出香味之餘又保留到清爽口感辣八爪魚輕輕焯過，爽口鮮味重，部分觸鬚末端位就比較硬，韓式辣醬味道都好豐富，撈勻蔬菜絲同白飯，好味又營養 牛肉菜湯（醒酒湯）， 對比起嚟就比較普通，牛肉煮蕨菜湯都好出色，本身蕨菜粗硬纖維都煮得好易入口，原來湯品類定食就唔會跟海帶牛肉湯，有啲可惜