燒味滷師 (安發大廈)

Open Now

Now Closed

今晚放工經過燒味舖， 突然燒味癮起，就決定加餸試下佢， 結果畀到我驚喜。1）燒味佬叉燒（半斤）蜜汁叉燒好靚，燒到橙紅色， 冇燶邊， 師父畀料好公道， 唔會成碟都係頭頭尾尾，都唔會燒到太老太韌。 叉燒係偏瘦叉， 因為我自己鍾意食瘦叉燒，所以特登叫師傅畀多少少瘦叉， 但佢亦都有畀肥叉燒，食落肥叉都唔錯。2）原味手撕雞半隻手撕雞麻油味香有好多芝麻，但唔會太鹹，同時雞好滑，唔會全部都係雞胸肉，值得一試。3）至尊燒鵝半隻燒鵝賣相好好，份量夠大夠足料，外皮油亮，食落好香脆，肉質嫰滑有汁，同時好有口感，配埋獨有既醬汁，令燒鵝濕潤唔會乾，食埋大大隻鵝脾真係令人好滿足，整體質素中上，性價比真係極高！