滿粥順德粥底海鮮火鍋

Open Now

Now Closed

未試過粥底火鍋，成日經過呢間滿粥順德粥底火鍋，今晚就決定入去試下。 果然係海鮮火鍋，佢就只有2個海鮮餐簡，蟹餐同龍蝦餐。自己係鍾意蟹多啲，就簡左蟹。 一黎到都好多料，2款蜆，都成10隻，仲識郁既新鮮蝦，鮑魚，大肉貝，魚片，然後再自由簡6款餸。 我就簡左肥牛，黑毛豬肉片，魚腐腐竹，蟹柳，白蘿蔔，油麥菜。 再跟南瓜，芋頭粒，粟米做最後落既粥底料。佢地既海鮮真係好新鮮，落煲煮都有跟足佢指示既時間煮，其他地方食可能煮好後會縮細，或唔新鮮就冇咁多蜆食，但佢地竟然冇，煮好後仲好鮮甜，仲要蜆殼冇沙，真係好正。 魚片好大塊，蝦都好爽口。 最正係蟹，啖啖肉，好大隻，而且煮完蟹同蝦後，成煲粥底就香好多。最後，老闆再攞左飯，菜餔，同蛋去再煮個粥，真係超正。 開頭以為唔係好多，但其實食落都幾多。