Video
Read full review
2021-11-04
1917 views
韓式炸雞絕對係近年來嘅大熱，係有時都怕太過油膩同埋熱氣。作為一個鍾意食雞嘅人，好多時我都會揀食去Goobne食烤雞，今次去咗銅鑼灣分店，個環境勁正😌安排到坐窗口位，我坐個位置遠望係馬場。🍲韓式海鮮湯 $158同事比較細食，大家都怕食得太滯，所以冇揀到煎餅或者部隊鍋。我哋就揀咗呢個韓式海鮮湯， 送上嚟嘅時候係超級熱嘅！呢個鍋勁多料，有蝦、青口、魷魚同蜆，仲有炒蛋同埋菜。湯底入口有少少麻油同埋辣味，呢啲天氣飲都幾唔錯嘅選擇。🍗半半烤雞Goobne原味烤雞＋蜜糖香滑烤雞 $238貪心嘅關係，所以就揀咗兩款唔同嘅口味，半半烤雞🍗係一定要揀有骨嘅雞。我自己就鍾意有骨嘅，因為鍾意食雞嘅軟骨位☺️ 店員一早已經拎咗放骨嘅兜同手套俾我哋，所以直接落手食都唔怕污糟。原味烤雞醃得好入味，特製嘅醃料帶小小辣非常之惹味。蜜糖雞都係惹味嘅醃料，帶有少少芥辣味面頭嘅蜜糖都非常香甜。餐廳仲提供咗三款醬汁，如果覺得唔夠味就可以點醬汁，重點一定係醃蘿蔔，酸酸哋開胃解膩。唔覺唔覺就好快清晒碟，最可惜呢個係午餐時間，食完之後要返工，如果唔係叫返杯酒類飲品一定好爽😄
韓式炸雞絕對係近年來嘅大熱，係有時都怕太過油膩同埋熱氣。作為一個鍾意食雞嘅人，好多時我都會揀食去Goobne食烤雞，今次去咗銅鑼灣分店，個環境勁正😌安排到坐窗口位，我坐個位置遠望係馬場。
🍲韓式海鮮湯 $158
同事比較細食，大家都怕食得太滯，所以冇揀到煎餅或者部隊鍋。我哋就揀咗呢個韓式海鮮湯， 送上嚟嘅時候係超級熱嘅！
呢個鍋勁多料，有蝦、青口、魷魚同蜆，仲有炒蛋同埋菜。湯底入口有少少麻油同埋辣味，呢啲天氣飲都幾唔錯嘅選擇。
🍗半半烤雞
Goobne原味烤雞＋蜜糖香滑烤雞 $238
貪心嘅關係，所以就揀咗兩款唔同嘅口味，半半烤雞🍗係一定要揀有骨嘅雞。我自己就鍾意有骨嘅，因為鍾意食雞嘅軟骨位☺️ 店員一早已經拎咗放骨嘅兜同手套俾我哋，所以直接落手食都唔怕污糟。
原味烤雞醃得好入味，特製嘅醃料帶小小辣非常之惹味。蜜糖雞都係惹味嘅醃料，帶有少少芥辣味面頭嘅蜜糖都非常香甜。餐廳仲提供咗三款醬汁，如果覺得唔夠味就可以點醬汁，重點一定係醃蘿蔔，酸酸哋開胃解膩。唔覺唔覺就好快清晒碟，最可惜呢個係午餐時間，食完之後要返工，如果唔係叫返杯酒類飲品一定好爽😄
Post
