Video
Read full review
2018-12-26
59 views
聖誕同愛人去左葵芳行街，行到餓餓地就當然要去葵廣掃街啦。一口氣衝上3樓小食街，食完d大路小食之後，就諗住行下望下仲有咩好野食，然後就被Top世界入面的一隻鹿吸引左我地行過去，原來係一間專賣布丁燒的鋪頭，係葵廣少有的甜品選擇！店鋪名叫「呦呦鹿鳴」，門前的一塊廣告牌上畫了一隻栩栩如生的鹿，適逢聖誕，配上的印有鹿的甜品，感覺好應節。門口的雪櫃放了九款不同口味的布丁燒，每款布丁燒都有一張精緻的手工畫講係咩味，好睇得出老闆的心思。而且每個布丁上都印有一隻靚靚的鹿，係賣相方面絕對係滿分。 不得不提的，仲有店的外牆有幅大油畫，上面畫上了不同口味的布甸，d公仔全部都係老闆娘自家設計，畫功超靚，幫襯完一定要打個卡先得，見到老闆對間小店落足心機呀！ 入返正題，見到咁多款布丁燒全部都心思思想食，最後見18+的Baileys係新出口味就買左黎試下，我就揀左earl grey。初時見佢一個杯裝樣，以為就咁食 ，點知原來係好似傳統焦糖布丁咁 ... 要反轉倒落個碟仔到食，倒出黎就有層焦糖喺面流落去，好正。想食之制，又見到收銀旁邊放左d好得意的馬林糖，馬林糖都係老闆自己親手整架！超有heart！最後忍唔住就揀左聖誕
店鋪名叫「呦呦鹿鳴」，門前的一塊廣告牌上畫了一隻栩栩如生的鹿，適逢聖誕，配上的印有鹿的甜品，感覺好應節。
門口的雪櫃放了九款不同口味的布丁燒，每款布丁燒都有一張精緻的手工畫講係咩味，好睇得出老闆的心思。而且每個布丁上都印有一隻靚靚的鹿，係賣相方面絕對係滿分。
不得不提的，仲有店的外牆有幅大油畫，上面畫上了不同口味的布甸，d公仔全部都係老闆娘自家設計，畫功超靚，幫襯完一定要打個卡先得，見到老闆對間小店落足心機呀！
入返正題，見到咁多款布丁燒全部都心思思想食，最後見18+的Baileys係新出口味就買左黎試下，我就揀左earl grey。初時見佢一個杯裝樣，以為就咁食 ，點知原來係好似傳統焦糖布丁咁 ... 要反轉倒落個碟仔到食，倒出黎就有層焦糖喺面流落去，好正。想食之制，又見到收銀旁邊放左d好得意的馬林糖，馬林糖都係老闆自己親手整架！超有heart！最後忍唔住就揀左聖誕樹黎應節，仲有隻超靚超得意的巴士龍貓！放喺布丁燒上面好靚呀，當然係相機食先！
先試Earl Grey，未食已經聞到淡淡的清新茶味，食落有清清的伯爵茶茶味，唔會太甜。再試Baileys，食落有濃郁甜酒味，超好食，比起出面其他Baileys甜品味道更濃，果然係落足料。最後不得不提馬林糖，食落唔會太甜，入口溶化，同布丁好夾！
最重要的是，不論是Earl Grey還是Baileys，布丁都不會太甜，食落唔會係死甜而係帶出到每種獨突的口味！全部都係少糖，對於我地不好太甜吃的人，這兩個布丁燒恰到好處，就算好甜品的人也不怕，因為不太甜，吃下去也不會有太大的罪惡感。下次再黎會試埋其他口味！
Post
