Boholic

Open Now

Now Closed

今日去長沙灣參加活動，午膳時間喺附近搵食，行經福華街561號君凱豪庭，被呢間波希米亞風格嘅 BOHOLIC 吸引，店內裝置米色為主調，有多個打卡位。留意到此店招牌甜品係梳乎厘班戟， 詢問店員製作需時30分鐘，可惜午膳時間只1小時，還是選擇其他食物。Boholic非凡全日早餐有兩條腸、燒菠蘿蕃茄，燶邊煎太陽蛋、牛角酥、煙三文魚同沙律菜組合而成，非常豐富又健康，味道仲唔錯添。Boholic小食拼盤有吉列蝦、炸雞翼同炸魷魚鬚，三款炸物用三種唔同炸法，同樣香脆但表面炸粉極不相同，三種不同滋味豐富味蕾。菠蘿火龍果沙冰用新鮮水果打冰而成，冰涼綿滑透心涼。士多啤梨牛油果沙冰主要由牛油果打成，加上士多啤梨糖漿及忌廉，同樣冰凍加倍口感。